Pershendetje te nderuar forumiste.

Me vjen pak 'turp' ta hap kete teme, por sinqerisht me kane shqetesuar jashte mase disa diskutime, diku, qe vinin ne pikepyetje faktin se Kosova ka dhe gezon kombin e vet, pra ate Kosovar. Kete ide e mbeshtesnin mbi situaten e njejte te problematikes mbi kombesine e Austrise etj etj..

Nuk po ndalem per te sjelle disa debate ketu, por thjesht dua qe te shpalosim te gjithe se bashku, (bazuar ne fakte) se pse Kosova nuk mund te jete nje komb me vete

Ju pershendes te gjitheve

Ledi.

Ps. Sondazhi nuk funksiononte.. nuk e di nese e kam vetem une kete problem..

Me duket pak veshtire qe Kosova te jete komb me vete sepse Kosovaret jane pjese e kombit shqiptar:
1. Kosovaret jane identifikuar gjithmone si shqiptare, madje edhe ne Jugosllavi kane patur kombesi shqiptare
2. Kosova flet shqip dhe ka kontinuitet territorial me Shqiperine politike dhe ka perdorur flamurin shqiptar edhe nen Jugosllavi
3. Kosova ka lozur nje rol vendimtar ne historine e kombit shqiptar dhe vecanerisht ne krijimin e shtetit te pavarur shqiptar me 1912. Duhet patur ketu parasysh Lidhja e Prizrenit e zhvilluar ne Kosove, kryengritjet kosovare ne periudhen midis Lidhjes se Prizrenit dhe Shpalljes se Pavaresise ne Vlore. Mund te thuhet qe levizja per pavaresi e kombit shqiptar nisi ne Kosove.
4. Heronjte e Kosoves jane ata te Shqiperise: Skenderbeu, Abdyl Frasheri, Sulejman Vokshi, Hasan Prishtina, Isa Boletini, Ismail Qemali, Bajram Curri e deri tek Adem Jashari.


Duke patur parasysh se nje komb percaktohet nga gjuha, flamuri, historia, heronjte, territori dhe ndjenja kombetare, duke patur parasysh se ne Kosove keto jane te njejta me ato te te gjithe shqiptareve te tjere ne rajon, me duket e pamundur dhe absurditet qe te krijohet nje komb i dyte shqiptar ngjitur me te parin.

Persa i perket rastit te Gjermanise dhe Austrise, duhet patur parasysh se ato nuk ndajne te njejten histori dhe ndjesi kombetare: te mos harrojme se Austro-Hungaria ka qene ne nje periudhe perandori ne Evropen Qendrore nderkohe qe Prusia dilte si nje shtet i fuqishem ne Evropen veriore.

Raste te tjera si ai i Belgjikes perseri nuk jane te krahasueshme, sepse ne Belgjike Flamandet dhe Wallonet jane ne proporcionet 57% me 43%, pra gati gjysem per gjysem, kurse ne Kosove mbi 90% jane shqiptare.

Per keto aresye mendoj qe krijimi i nje kombi kosovar eshte nje utopi dhe, duke patur parasysh se ne boten e sotme nje komb i korrespondon ne pergjithesi nje shteti, pas nje periudhe jo shume te larget shteti i Kosoves duhet te bashkohej me shtetin e Shqiperise per te krijuar nje shtet te vetem shqiptar.

Jam shume dakord me kete qe keni shkruar, por nje pjese e 'elites' kosovare pretendon te krijoje komb te ri tashme qe eshte krijuar shteti i Kosoves. Arsyeja eshte se pretendojne se do te kene nje te ardhme me te mire nese kete pavaresi e 'laurojne' me nje komb te ri, duke hedhur poshte te kaluaren (ne fakt nuk kane argument te forte te vertetojne cfare shprehin, por qe personalisht me ben pershtypje insistimi i tyre). Nuk e di nese keta 'elitare' jane te shtrenguar per te pranuar kete situate dhe po perpiqen te japin arsyet e tyre duke e bere te duket domosdoshmeri ne menyre qe te mos e revoltojne popullin kosovar apo eshte ndonje pjese 'tragjikomike' e shkeputur nga mendimi/deshira e tyre ???!!!

Ps. Austriaket t'i pyesesh cfare gjuhe flisni, cfare pergjigje japin?..

Ata që dalin në televizor, flasin me "entuziazëm", për kombin kosovar, janë ca debila që hapen bythësh.

Nuk më shqetësojnë aspak, veçse t'a bëjnë të pamundur të shikosh ato programe televizive, se taman e qet ni program, meniher të shfaqet ai lugati tuj fol për kombin kosovar, t'i qon tuget me at far buzqeshje të neveritshme, me atë hapje bythësh që nuk e gjen askund në botë.

Po sjell nje shkrim qe eshte pergjigje e drejtperdrejte per kete teme, por qe ky njeri, sakrifikon cdo dite e me teper veten duke u kalbur burgjeve te shtetit ose duke qene ne arreste shtepie, e gjithsesi, askush nuk mundet t'ia ndaloje fjalen e lire.

nga Albin KURTI

Kosova - shtet i ri për kombin shqiptar, e jokomb i ri për shtetin

Historia përbashkët, kryengritjet dhe rezistenca e vazhdueshme, gjuha shqipe, doket, zakonet, kultura, tradita, shërbimet tregtare dhe vazhdimësia territoriale e shqiptarëve e kanë ndërtuar ndjenjën e përkatësisë te kombi shqiptar. Përkundër kësaj, shqiptarët kanë mbetur të ndarë dhe jetojnë në sisteme të ndryshme politike dhe shoqërore, në shtete të ndryshme. Kjo mospërputhje ka shkaktuar mospërmbushje, mosrealizim të vetes sonë, dhe për pasojë një dinjitet të parestauruar. Dobia e bashkimit kombëtar është e shumëfishtë. Ajo do ta dyfishonte tregun shqiptar duke rritur investimet e huaja, duke përmirësuar pozitën e prodhuesve vendorë, duke rritur mbrojtjen prej ndikimeve negative të tregut botëror në çmimet e brendshme, duke sajuar komplementaritet ndërmjet Shqipërisë, Kosovës dhe viseve të tjera: çka nuk e prodhon njëra, e prodhon tjetra etj. Me një fjalë do të ngjante forcimi yni i përgjithshëm ekonomik.

Aktualisht, në Ballkan kemi një stabilitet të brishtë dhe afatshkurtër pikërisht për shkak se ky stabilitet mbahet në kurriz të shqiptarëve. Nuk ka reciprocitet ndërmjet të drejtave të shqiptarëve atje ku ata janë minoritet në shtet fqinje dhe të drejtave të atyre minoriteteve aty ku shqiptarët janë shumicë. Serbët që janë 5% në Kosovë kanë më shumë të drejta sesa shqiptarët që janë afër 1/3 e popullsisë në Maqedoni, e të mos flasim për Luginën e Preshevës. Nga 218 policë në komunën e Preshevës, 119 janë shqiptarë kurse nga 9 prokurorë 5 janë serbë e vetëm 4 shqiptarë ndonëse 92% të popullatës në komunën e Preshevës janë shqiptarë. Në komunën e Bujanocit 61% janë shqiptarë por nga 286 policë vetëm 106 janë shqiptarë, ndërsa janë 10 prokurorë serbë dhe vetëm një prokuror shqiptar! Kjo asimetri e të drejtave s'mund të jetë formulë stabiliteti, por formulë për konflikte në të ardhmen.


Shqiptarëve përherë u është rrudhur territori. Kur u shpall pavarësia e Shqipërisë në vitin 1912 kishte 92.000 kilometra katrorë që populloheshin me shumicë nga shqiptarët, kurse sot, më pak se një shekull më vonë, ne popullojmë rreth 46.000 kilometra katrorë, pra gjysmën e asaj që dikur ishte tokë jona. Edhe pas luftës së fundit ne humbëm territor, mbetëm pa veriun e Kosovës, ndërkaq prej vitit 1999 e deri më sot janë shpërngulur afër 30.000 shqiptarë nga Lugina e Preshevës prej të cilëve diçka mbi 11.000 jetojnë vetëm në komunën e Gjilanit në Kosovë. Shqiptarët mbase kanë fituar më shumë të drejta e liri përgjatë shekullit XX, mirëpo ata kanë humbur territor, ndërkohë që politikanët janë ngjitur lart në hierarkinë e pushtetit në masën në të cilën e kanë braktisur konceptin dhe projektin e bashkimit kombëtar. Faktorët ndërkombëtar kanë ndërmjetësuar midis agresivitetit të pretendimeve hegjemoniste të Beogradit dhe Athinës në njërën anë dhe pasivitetit të Tiranës, Prishtinës e Shkupit në anën tjetër.


Nuk ka status quo. Ose do të lëvizin njerëzit, ose kufijtë. Pra, ose do të vazhdojnë të shpërngulen shqiptarët dhe t'u zvogëlohet areali atyre, ose do të korrigjohen kufijtë. Shqiptarët bënë aq shumë kompromise për hir të paqes e cila i la pa liri dhe pa mirëqenie (sidomos në krahasim me fqinjtë e tij). Duke filluar nga Marrëveshja e Rambujesë e duke vazhduar me atë të Konçulit e Ohrit për të përfunduar te Plani i Ahtisaarit, shqiptarët fitonin paqen porse dorëzonin armët, i ktheheshin jetës normale porse vazhonte diskriminimi. Në situatën me pak apo aspak zhvillim ekonomik, me varfëri të gjerë e papunësi që rritet, me ushtri të vogël apo pa të fare, shqiptarët nuk kanë perspektivë të ndritshme. Për paqe e stabilitet të qëndrueshëm duhet reciprocitet midis kombeve, popujve dhe shteteve. Për zbrapsje të apetiteve të fqinjve të shqiptarëve duhet bashkimi i shqiptarëve. Shqiptarët nuk ia vlen ta presin integrimin në BE për t'u integruar mes vete. Aq më tepër që në BE kufijtë ndërmjet shteteve nuk dobësohen por forcohen. Kufijtë ndërmjet shteteve të BE-së për njëra-tjetrën janë më të fortë se kurrë më parë. Kufijtë janë zbutur për individët, por jo edhe për shtetet.


Kufiri ndërmjet Francës dhe Gjermanisë është i dobët si asnjëherë më parë për francezët e gjermanët porse më i fortë se kurdoherë tjetër për Francën e Gjermaninë. Vetëm kur Gjermania hoqi dorë nga krahinat e Alzasit dhe Lorenës u krijuan kushtet për paqe të qëndrueshme ndërmjet Francës dhe Gjermanisë. Vetëm kur pretendimet territoriale të Gjermanisë pushuan, vetëm kur Gjermania e Franca s'kanë më konteste territoriale, u krijuan kushte të vërteta për paqe afatgjate dhe për vetë BE-në si të tillë. Integrimi i Shqipërisë dhe Kosovës në BE e forcon kufirin ndërmjet Shqipërisë dhe Kosovës.

Në kohën kur Kosovën duan ta shndërrojnë në një Bosnje të dytë (protektorati evropian lart, ndarja mbi baza etnike poshtë, dhe politikanët si njerëzit më të pasur në vend ndërmjet këtyre) kurse popullin shqiptar ta kosovarizojnë (për ta dobesuar elementin shqiptar sepse duhet mirëmbajtur koncepti i multi-etnicitetit paçka se serbët janë vetëm 5%), po bëhet e qartë se ne nuk kemi nevojë për një komb të shtetit por për një shtet të kombit; se ne nuk kemi nevojë për një komb të ri të shtetit të Kosovës por për një shtet të ri gjithëpërfshirës për shqiptarët.