KËRKESË

Drejtuar:Ministrisë së Punëve të Jashtme të Republikës së Shqipërisë;

Për Dijeni: Kryetarit të Këshillit të Ministrave të Republikës së Shqipërisë

Kërkues:

1. Shoqëria "ÇAMËRIA"

2. Instituti i Studimeve për Çamërinë

3. Partia për Drejtësi dhe Integrim

Shoqëria "ÇAMËRIA", Instituti i Studimeve për Çamërinë dhe Partia për Drejtësi dhe Integrim nëpërmjet kësaj kërkese ripërsërisin bashkërisht një kërkesë drejtuar Ministrisë së Punëve të Jashtme të Republikës së Shqipërisë edhe më 6 tetor 2007.

Nëpërmjet kësaj kërkese risjellim në vëmendje të Ministrisë së Punëve të Jashtme të Republikës së Shqipërisë se i qëndrojmë kërkesës së bërë tek Ju nga Shoqëria "ÇAMËRIA".

Ne kërkojmë që MPJ e Shqipërisë t`i paraqesë palës respektive të Republikës së Greqisë kërkesën tonë për:

1. Ndërtimi në Paramithi, Greqi, të një obelisku në përkujtim të masakrës së Paramithisë;

2. Ndërtimi i një varreze përkujtimore pranë Urës së lumit Kalama, në Greqi aty ku prehen të rënët e pafajshëm, që mbetën të vrarë dhe nuk mundën të kalonin këtë urë, gjatë gjenocidit mbi popullatën çame.


Shoqëria "ÇAMËRIA", Instituti i Studimeve për Çamërinë, Partia për Drejtësi dhe Integrim shprehin bindjen se popujt i lidhin urat e tyre të miqësisë, duke ndërtuar së pari `Faljen`, duke respektuar ata që ranë për një kauzë të ndershme.

Ne jemi të bindur se të rënët çamë, rreth 2800 të tillë, u masakruan në kauzën e tyre të shenjtë për të lindur fëmijët e tyre në tokë të baballarëve.

Ne jemi të bindur se të masakruarit, rreth 400 të tillë, vetëm gjatë një dite në Paramithi, ranë në tokë të tyre, pa u gjykuar, u vranë. Ne duam të ndërtohet miqësi. Ne jemi të bindur se miqësitë ngrihen mbi faljen, para së gjithash u kërkohet falje të rënëve, nderohen ata.

Shoqëria "ÇAMËRIA", Instituti i Studimeve për Çamërinë, Partia për Drejtësi dhe Integrim ndjekin me vëmendje përkushtimin disavjeçar të zyrtarëve të shtetit fqinj, Greqisë; në aplikim të dëshirës së tyre për ngritjen e varrezave memoriale në kujtim të të rënëve grekë gjatë luftës italo-greke.

Shoqëria "ÇAMËRIA", Instituti i Studimeve për Çamërinë, Partia për Drejtësi dhe Integrim nuk janë institucione të specializuar mendim dhënëse as për përcaktimin e numrit të varrezave, as për vendvendosjen e tyre në truallin shqiptar dhe as për sipërfaqet që pritet të zaptojnë ato.

Është shteti shqiptar, ai që ka tagrin, të drejtën dhe detyrën të çmojë arsyet, qëllimet dhe pasojat.

Ne kërkojmë që në zbatim të parimit të mirënjohur të reciprocitetit midis shteteve miq, të ngrihet prej Jush dhe të shqyrtohet kjo kërkesë e jona gjatë bisedimeve me përfaqësues të shtetit grek. Ne besojmë në drejtësinë e kërkesës sonë, ne besojmë se respekti që shfaqet për të rënët nuk do të jetë i ndryshëm, pavarësisht kombësisë së ndryshme të të rënëve.

Ne besojmë se të rënët tanë, martirë për vatrat e tyre, lypset të nderohen së paku njësoj me të rënët grekë në tokë të huaj.

1. Shoqëria "ÇAMËRIA"
Kryetari
Ardian TANA

2. Instituti i Studimeve për Çamërinë
Drejtori Ekzekutiv
Ahmet MEHMETI

3. Partia për Drejtësi dhe Integrim
Kryetari
Tahir MUHEDINI

Qe shoqata Çameria te kete kete kerkese, eshte minimale fare, ne krahasim me kater varrezat e atyre "miqve pallikare" qe nuk u vrane fare per Shqiperine, te cilet jane vene si kusht nga Greqia tashme per politikanet e tredhur shqiptare.

E keqja eshte se ka shume heshtje ndaj ceshtjes shqiptare ne Ballkan, madje qendrimi eshte aq i bite, sa edhe pavarsia e Kosoves mendohet se eshte nje favor ndaj nesh, nderkohe qe akoma nuk u eshte dhene e drejta e plote dhe aq sa u takon, atyre qe ne Ballkan iu eshte derdhur gjaku lum...SHQIPTAREVE

Kam lexuar e degjuar shume per problemin cam dhe te Camerise.Shikoje ne televizor dhe degjoje kenget e mrekullueshme came dhe renqethem per tekstin dhe permbajtjen e tyre patriotike. Dhe me keqardhje te madhe mendoje me vehte , si nuk eshte bere gje akoma per kete problem , pse ju mohohet e drejta legjitime per pronat e tyre. Pse nje heshtje varri nga qeveria dhe politikanet tane.Shpesh diskutoje me zoterine tim ketu ne pune ku punoje [ne Greqi] , mirpo si edhe pjesa me e madhe e grekeve nuk kane haber nga historia dhe nuk dine ose bejne sikur nuk dine se c'ka ndodhur me kete pjese te popullsise shqiptare, ose nuk ju intereson ta dine dhe, ato qe beri kapiten Zerva dhe mbeshtetesit e tij , as qe e kujtojne fare.Dhe per me teper , ate dhune e masaker qe kryen ndaj cameve e interpretetojne ne kahe te kundert. Absurditet. Por me gjithe apatine e politikaneve dhe te qeverive e qeveritareve problemi i cameve dhe i Camerise do te zgjidhet nje dite. Durim vellezer dhe motra came.

For more information go to : www.albca.com/aclis